Nilinaw ni acting Senate President at Senate President Pro Tempore Sherwin Gatchalian na solamenteng an opisyal na Blue Ribbon Committee kan Senado sana an pigbibisto kan institusyon sa anumang imbestigasyon o pagdangog.
Segun ki Gatchalian, dae bibistuhon kan Senado an anuman na parallel o suway na hearing na ipigsasagibo sa luwas kan opisyal na komite napinamamayuhan ni Senator Erwin Tulfo.
Pigduon kaini na warang legal na bisa o otoridad hali sa institusyon an mga suway na pagdangog.
Paliwanag pa kan opisyal na seryosong orolay an pag-iimbestigar sa korapsyon kaya dapat ining gibuhon sana sa tamang proseso asin sa lehitimong forum kan Senado.
Nangapudan man si Gatchalian sa mga testigo asin resource persons na makipagtabangan o mag-atendir sana sam ga opisyal na pagdangog kan Blue Ribbon Committee.
Ginibo ni Gatchalian an pahayag kasunod kan enot na abiso ni Senator Erwin Tulfo na warang nakatalaan na opisyal na hearing an komite ngunyan na Martes, Hunyo 16, 2026 kasabay kan anunsyo ni dating Congressman Mike Defensor.
Maruruman na nagkaigwa man nin suway na pagdangog na pinamayuhan ni Senator Pia Cayetano sa imbestigasuon sa suboot anomalya sa flood control projects.
