LEGAZPI CITY- Wara pang nahihiling an Philippine Institute of Volcanology and Seismology na indikasyon na pwedesir na ibaba an alerto kan bulkang Mayon.
Segun ki Mayon Observatory Resident Volcanologist Doreen Abelinde sa intrevista kan Bombo Radyo Legazpi na nagpapadagos an aktibidad kan nasabing bulkan.
Huli digdi, dae pa man pigkokunsiderar an pagpapa uli sa mga Mayon evacuees.
Pinag-aantisiparan kaya kan ahensya na malagpas pa sa anom na bulan an aktibidad kan Mayon volcano.
Mientras tanto, segun ki Abelinde na padagos an komunikasyon kan ahensya sa Albay Public Safety and Emergency Management Office (APSEMO) asin sa mga Municipal Disaster Risk Reduction and Management Offices para sa preliminary volume computation kan volcanic materials na pwedesir na dumausdos enkasong magkaigwa nin pag-uran.
Basado sa inisyal na kalkulasyon, posible na nasa 77 million cubic meters an dumausdos na volcanic materials.
Mientras tanto, pinaghihiling man an scenario na pwedesir na maghanap nin ibang agihan an mga materyales afuera sa presenteng mga river channels.
