LEGAZPI CITY—Arestado an duwang high-value drug personality sa gibiibong buy-bust operation sa Purok 5, San Rafael Guinobatan Albay.
Segun ki Philippine Drug Enforcement Agency Bicol Public Information Officer Carlo Fernandez, sa intrevista kan Bombo Radyo Legazpi, nakumpiskar sa duwang suspek an nasa 50 grams nin pigtutubudang shabu asin may standard drug price na P340,000.
Binisto an mga suspek na sinda alyas “Elaine “, 23-anyos, asin residente kan Barangay Poblacion, Guinobatan; asin alyas “Bert”, 34-anyos, asin residente kan Barangay Pinit, Ligao City.
Kinundusir an operasyon kan pinagsarong personahes kan Philippine Drug Enforcement Agency Regional Office 5 (PDEA RO5) Regional Special Enforcement Team 2 (Lead Unit), together with PDEA Albay Provincial Office, PDEA Catanduanes Provincial Office, PDEA RO5 Regional Special Enforcement Team 1, Guinobatan Municipal Police Station, 1st Provincial Mobile Force Company of Albay Police Provincial Office, asin Coast Guard Intelligence Unit–Albay.
Sa presente nasa kustodiya na ini kan PDEA Regional Office 5 asin mahahampang sa kasong pagbalgar sa Section 5, Article II kan Republic Act 9165 o Comprehensive Dangerous Drugs Act of 2002.
