LEGAZPI CITY-Ipighayag kan Department of Education (DepEd) Bicol na mas tututukan ngonian an behavior asin skill based learning kan mga estudyante na nasa Key stage 1.
Susog kay Department of Education Region V Curriculum and Learning Management Division Chief Grace Rabelas, na hahalion na sa Key stage 1 an mga ranking na with honors, with high honors asin mas ma-focus sa skills asin behavior kan estudyante.
Mas matututukan kaini an saindang literacy, numeracy, asin socio-emotional growth kan mga nasa Key stage 1 learners.
Dugang pa kan opisyal na obheto kaini na ibitaran an kompetisyon sa mga kaakian asin mas mag-focus sa foundation ninda, na magin matatag asin mas handa na hampangon an mga pag-aadal sa academics sa mga masunod na higher grade level.
Dagdag pa kainio na magkakaigwa man nin panahon an mga co-curricular activities sa pag-abot kan end of the term block.
Mientrastanto, pigpapaotob an nasabing kasuguan sa mga pampublikong eskwelahan alagad pwedisir man na i-adapt kan mga nasa pribadong eskwelahan.
