Ipigdoon ni Senador Jinggoy Estrada na wara pang pinal na desisyon na nagtatanggal saiya bilang senator-judge sa napaparaning impeachment trial laban kay Vice President Sara Duterte, sa tahaw kan mga pahayag na dae na suboot siya pwedesir magbale sa paglilitis.
Segun ki Estrada, nagtitinir na bukas an orolay huli sa nagpapadagos pa an mga legal na proseso katakod kan saiyang suspension pendente lite o paramientras na suspensiyon mantang nakabinbin ang kaso.
Segun pa saiya, dae pa siya nakakapagsunad kan saiyang komento asin oposisyon alinsunod alinsunod sa direktiba kan korte, asin dae pa niya nagagamit ang gabos kan legal na remedyo na nakalaan saiya.
Tinawan-doon niya na sagkod warang pinal asin umiiral na desisyon, warang basehan an mga nagsasabing wara na saiyang kapangyarihang gampanan ang saiyang mandato bilang senator-judge.
Tinuyaw man ni Estrada an pirang “self-proclaimed legal expert” na suboot nagmamadaling magtao nin interpretasyon sa orolay imbes na pabayaan an mga tamang institusyon asin hukuman ang magdesisyon.
Segun saiya an pagrespeto sa due process asin rule of law ang dapat manaig kaysa sa haka-haka, espekulasyon asin mga personal na opinyon.
Pinagiromdoman kan kan senador na minsan na siyang nagsirbing senator-judge sa sarong impeachment trial kaya pamilyar siya sa mga umiiral na tuntunin, proseso asin responsibilidad na kaakibat kan paglilitis sa sarong impeachable official.
Sienerto ni Estrada na padagos nyang irerespeto an proseso kan ley, idepensa an saiyang mga direchos sa paagii kan mga lakdang na naaayon sa ley asin gagampanan ang mga tungkulin alinsunod sa Konstitusyon.
