LEGAZPI CITY- Aminado an Department of Education Bicol na bako sinda sierto na kaya kan mga classrooms sa rehiyon na tagalan an m agnitude 8 na linog, enkasong tumama ini sa rehiyon.
Ini makalihis haputon an ahensya dapit sa pagigin pusog kan mga classrooms sa Bicol.
Ini an kasunod kan pagka distroso kan dakol na mga classrooms sa Sarangani, General Santos City asin iba pang parte kan Mindanao huli sa magnitude 7.8 na linog kan Lunes.
Alagad segun ki DepEd Bicol Director Gilbert Sadsad sa sarong press conference na an mga disenyo kan mga eskwelahan ngunyan naga-adjust man sa presenteng sitwasyon.
Sa ibong kaini, saro sa mga pigbabantayan iyo an mga lumang eskwelahan na haloy nang nai-konstruir.
Segun ki Sadsad, an pigigibo ngunyan kan ahensya iyo an padagos na pagpapakusog kan mga earthquake drill sa mga eskwelahan.
