Sinabi ni Senate President Pro Tempore Sherwin Gatchalian na pinirmahan na niya an payroll checks kan mga Senado, sa ibong kan umiinit na isyu sa liderato sa Mataas na Kapulungan.
Sa sarong post sa social media, sinabi ni Gatchalian na pigbibisto na siya kan mga financial institution bilang awtorisado na magpirma para sa mga transaksyon kan Senado.
Sienerto man niya na dae maaapektaran an sweldo asin benepisyo kan nasa 2,000 empleyado sa ibong kan isyu sa liderato.
Magigiromdomang padagos an dae pagkakasiranabutan sa pamumuno kan Senado sa pagultangan ni Gatchalian asin ni Senator Alan Peter Cayetano.
Enot nang pigsuhestyon ni Cayetano an sarong power-sharing arrangement nganing mamantinir an maayos na operasyon kan Senado, alagad sinayumahan ini ni Gatchalian.
Sa ibong kan tensyon sa politika, pigdoon ni Gatchalian na dagos an trabaho kan Senado asin padagos an pag-otob kaini sa obligasyon sa mga kawani kaini.
