LEGAZPI CITY-Irido an tulong Overseas Filipino Workers (OFWs) huli sa sarong drone strike sa Kuwait International Airport.
Kabali an tulong biktima sa labi 60 katawong nairido sa huli sa mga insidente kan pagatake poon kan Hunyo 3.
An airstrike nagkawsa nin mahiwasang danyos sa mga edificio asin aeropuerto.
Segun sa Department of Migrant Workers (DMW), duwa sa tolong OFWs an nabulong mantang an saro kinaipuhan na magpatahi huli sa mga lugad sa saiyang kamot asin payo.
Sinabi ni DMW Secretary Hans Leo Cacdac na nabisita na kan Migrant Workers Office an mga nairidong OFWs, na nakaluwas na sa ospital.
Mahigot man nindang pinagbabantayan an pinakabagong pangyayari sa nasabing nacion.
Pig-aareglo naman ninda an pag-uli kan mga apektadong OFWs sa nasabing nacion.
Enot nang pignegaran kan Iran na sinda an nasa likod kan pag’atake, kun sain nasala an US interceptor missiles asin tuminama ini sa airport.
