Aminado an Department of Education (DepEd) sa krisis sa literacy sa nacion makalihis magluwas sa sarong assessment na 87% kan mga Grade 11 students an nadidifisilan sa pagsabot sa saindang pigbabasa.
Segun ahensya, an nasabing numero an indikasyon kan haloy nang learning gaps system kan edukasyon sa Pilipinas asin bako sana sa problema kan senior high school.
Sa pahayag ni DepEd Undersecretary for Learning Systems Carmela Oracion, pigduon kaini na pigsi-seryoso kan ahensya an nagluwas na resulta hali sa Second Congressional Commission on Education (EDCOM 2).
Ipinaliwanag kan opisyal na na problema sa kakayanan sa pagbasa an natitipon hali pa sa mga enot na baitang asin naglala sa paglihis kan panahon huli sa manlin lain na mga angat siring kan pagtios, kakulangan sa learning materials, limitadong suporta sa harong, mga ulang sa klase, asin epekto kan pandemya.
Bilang kasimbagan, nagpaotob an DepEd nin summer remediation program para sa senior high school students na nakatalaan na magtapos ngunyan na semana.
Dagdag pa kan ahensya na isasabay sa bagong three-term school calendar an remediation asin enrichment activities ngani na mas matanos na matugunan an learning gaps sa bilog na school year.
