Ipigbusol ni Senador Erwin Tulfo na gibohon nang libre ang professional examinations fees kan mga kwalipikadong indigent, bilang tabang sa pagkua ninda kan lisensya sa propesyong saindang pigtahak.
Sa saiyang Senate Bill No. 2035 o “Free Professional Examinations Act,” gigibohong exempted ang mga kwalipikadong indigents gikan sa pagbabayad nin exam fees.
Segun sa Senador, napugulan kan mga kadakol na professional exam fees bako sana an pag-uswag kan mga Pilipino, kundi ang pag-usbong kan bagong henerasyon nin mga propesyunal sa nacion.
Kabale sa “Free Professional Exams Act” ni Tulfo ang Professional Regulations Commission (PRC) Board Exams, Civil Service Eligibility Exams, asin Bar Exams.
Sa nasabing propwesto, ang kuwalipikadong indigent an idedetermina ng Department of Social Welfare and Development (DSWD). An ahensya na magtatao nin sertipikasyon para maipresenta sa Professional Regulations Commission, Civil Service Commission, o Supreme Court.
Nganing masierto na makua an obheto, limitado sana sa sarong bes sa sarong taon an pagkua kan benepisyong ini.
