LEGAZPI CITY-Pormal nang tinapos ni Presidente Ferdinand Marcos Jr. an saiyang apat na aldaw na state visit sa Japan, na saiyang iniladawan bilang “highly productive at constructive,” makalihis na masierto an importanteng mga kasunduan sa ekonomiya, seguridad, asin diplomatiko para sa Pilipinas.
Sinabi pa kan Presidente na an pagbisita orog na nagpakusog kan 70 taon na relasyon kan Pilipinas asin Japan.
Kabali sa mga tampok na pangyayari an mga pagtiripon ni President Marcos ki Emperor Naruhito asin Empress Masako, siring man an pagkikipag-olay kay Japanese Prime Minister Sanae Takaichi.
Nagkasundo an duwang nacion na mas itaas pa an saindang ugnayan para sa sarong Comprehensive Strategic Partnership.
Pinahiwas man kan Pilipinas asin Japan an kooperasyon sa depensa, enerhiya, artificial intelligence, komersyo, asin seguridad sa kadagatan.
Ipinahayag man an pagpoon kan negosasyon para sa General Security of Military Information Agreement o GSOMIA.
Mientrastanto, uminabot sa US$3.4 bilyon an investment pledges asin mga oportunidad sa negosyo an Presidente kan Pilipinas gikan sa mga Japanese investors.
Piglalaoman man na makakapag-krear ini nin labi sa 10,000 na trabaho para sa mga namamanwaang Pilipino.
Nakipag-olay man si President Marcos sa komunidad kan mga Pilipino sa Japan asin pigsierto na magtetenir na prayoridad kan gobyerno an karahayan kan mga Overseas Filipino Workers.
