Bigtime oil price rollback an posibleng magsabat sa mga motorista sa enot na semana kan Hunyo.
Basado sa mga industry sources, an diesel an posibleng magkaigwa nin rollback na nasa P6.50 hasta P7.50 kada litro.
An gasolina man an posibleng magtapyas nin nasa P3.50 hasta P4.50 kada litro, puon sa Hunyo 2.
An nasabing rollback an huli sa positibong dalagan kan nagpapadagos na peace talks sa pagultangan kan Estados Unidos asin Iran.
Marurumduman na komon na pig-aanunsyar an pinal na paghiro kan presyuhan kan langis tuyong Lunes asin pigpapaotob tuyong Martes.
