LEGAZPI CITY- Inomaw ni Senator Francis ‘Kiko’ Pangilinan an provincia kan Albay sa inisyatiba kaini sa pag-implementar kan Sagip Saka Act.
Nagbisita an senador sa provincia kan Albay kasuudma, Mayo 28, asin nagsirbing guest sa Agri Fiesta na sarong aktibidad para sa mga paraoma asin parasisira sa provincia.
Sa paghahapot kan mga kagawad kan media, sinabi ni Senator Pangilinan na dakulang bagay an lakdang kan gobierno provincial na pagbakal nin milyones na kantidad nin mga produktong agrikultura, direkta sa mga paraoma.
Makakatabang suboot ini ngani na magkaigwa nin ganansya an mga paraoma huli ta nababakal an saindang produkto sa makatarungan na presyo.
Huli digdi, posible suboot na ma-enganyar an mga masunod na henerasyon na ipagpadagos an pagtatanom.
