LEGAZPI CITY-Padagos an pagsasagibo nin rescue kan Tabaco Animal Rescue and Adoption (TAARA) sa mga atamang hayop na apektado kan Mayon Volcano unrest.
Ini sa paagi kan saindang pagtatao nin prayoridad sa “Bayanihan for a cause” kan magputok an Bulkang Mayon.
Nasa 30 pets na an saindang nadara sa shelter sa San Vicente Tabaco City.
Nakapag-rescue man sinda nin 17 pets gikan sa Guinobatan Albay, asin sa Barangay Tumpa sa Camalig Albay.
Segun kay Tabaco Animal Rescue and Adoption Volunteer Sofiamari Philomena Lopez, sa naging intrevista kan Bombo Radyo Legazpi na nai-report sa sainda sa nasabing lokasyon na na-covered nin abo an mga atamang hayop.
Alagad huli ta limitado sana an saindang mga resources, nasa apat na hayop sana an na-rescue ninda digdi.
Igwa man suboot na ibang mga pet owners na nag-turn over sa sainda huli ta dai na ninda ini maaataman o madadara enkaso mag-ebakwar.
Mientras tanto, pigse-selebrar asin pig-promotir kan TAARA an responsible pet ownership ngonian na bulan nin Mayo kada taon. Ini ngani mai-highlight an tamang pag-ataman nin pets asin mag-eduakr sa mga barangay.
Patanid man ni Lopez sa mga pet owners na dai ipag-balad sa initan asin tawan nin malinig na tubig an saindang mga pets orog na ngonian na panahon nin tag-init.
