LEGAZPI CITY-Tinawan doon kan sarong Political Analyst na dai mababalik an image kan Senado sa paagi kan pagbabago kan liderato.
Sinabi pa kan Constitutional Law Expert and Political Analyst na si Atty. Michael Henry Yusingco, sa intrevista kan Bombo Radyo Legazpi na kun magpapalit nin liderato, dapat ilaag an public interest bako an saindang mga personal na political interest.
Dapat suboot na pigsasaalang-alang ngonian kan 11 senador an pampublikong interes.
Dagdag pa ni Yusingco na “good choice” suboot si Senator Win Gatchalian enkaso magkaigwa liwat nin kudeta.
Suhetsyon man niya na kun dai maiibitaran, dapat na bawasan an mga “fireworks” asin “drama” asin dapat na masunod an regulasyon kan Senado.
Mientras tanto, paliwanag ni Yusingco na posibleng mabawasan an Senador enkaso dai mapundo an pagpapadara nin ICC warrant.
Dai man suboot mapundo an impeachment trial laban kay Vice President Sara Duterte, alagad posibleng mabawasan an “threshold to convict” kun sain posibleng maging 2/3 sa 23 an mga senador.
