LEGAZPI CITY-Nagpatanid si KABATAAN Party-list Rep. Renee Co na an nangyaring balasahan sa pamunuan sa Senado, posibleng magkaigwa nin dakulang epekto sa gaganapon na impeachment trial ni Vice President Sara Duterte.
Ipgheras ni Co an tulong importanteng aspeto kaini, iyo an posibleng pagkaantala kan proseso, an mismong pagdagos kan paglilitis, asin an pinal na botohan para sa hatol.
Tinawan doon man niya na kaipuhan tutukan kan namamanwaang Pilipino, partikular na kan kabataan, an mga masunod na lakdang kan Senado makalihis ipasar kan Kamara an Articles of Impeachment laban kay Duterte.
Nagsakat an kaso sa Halangkaw na Kapulungan, makalihis makakuwa nin 257-25-9 na mga votes ngani patalsikon an Bise Presidente sa ikaduwang pagkakataon sa laog kan duwang taon.
Ayon kay Co, nagibo na kan House Committee on Justice an tungkulin na ini asin pigsiertong warang butas an proseso ngani dai ini makuwestiyon.
