Kinondena kan India an pag-atake sa sarong Indian-flagged cargo ship sa kadagatan kan Oman makalihis ining lumubog kasunod kan pinagtutubudan na missile strike.
Sa pahayag kan India’s Ministry of External Affairs, inapod kaining bako kaako-ako an insidente asin tinuyaw an padagos na pag-target sa commercial shipping asin sa mga sibilyan.
Kinumpirmar man kan India na salbado an gabos na Indian crew members na lunad kan barko makalihis sindang maisalbar kan mga otoridad kan Oman.
Segun sa maritime security firm, an mga barko na imbwelto iyo an MSV Haji Ali, sarong cargo vessel na igwang 14 tripulante asin may karga na livestock hali sa Berbera sa Somaliland pasiring sa Sharjah, United Arab Emirates.
Napag-araman na nagkaigwa nin makusog na pagsabog sa barko harani sa baybayon kan Limah, Oman, sa Strait of Hormuz, na pinagtutubudan na kawsa kan missile strike.
Makalihis an pagsabog, suminiklab an kasulo sa barko rason ngani na abandonahon ini kan mga tripulante antes dagos na lumubog.
