LEGAZPI CITY- Nagpirma nin Supplemental Memorandum of Agreement an gobierno provicial kan Albay asin an Department of Education para sa pinaglalaoman na ipapatindog na mga bagong classrooms sa provincia.
Pigkakarkulo na nasa 29 classrooms an ipapa konstruir sa manlain lain na mga eskwelahan sa Albay bilang preparasyon sa School Year 2026–2027.
Segun ki Albay Governor Noel Rosal na obheto kaini na mapahewas an access kan mga estudyante sa mas matanos asin komportableng pasilidad.
Kaibanan sa mga ipapatindog an tulong classrooms sa banwaan kan Bacacay, saro Malilipot, tulo sa Malinao, tulo sa Sto. Domingo asin duwa sa Camalig.
Kasabay man sa konstruksyon an sarong classroom sa Manito, apat sa Rapu-Rapu, saro sa Jovellar, lima sa Libon, tulo sa Oas asin tulo man sa banwaan kan Polangui.
Presente sa pagpirma kan nasabing kasunduan sinda Department of Education Undersecretary Atty. Peter Irving Corvera asin Assistant Secretary for Human Resource and Organizational Development Aurelio Paulo Bartolome. / via Albay PIO
