LEGAZPI CITY-–Ipighayag kan sarong propesor na posibleng makaapektar an pagriribay ni Senador Alan Peter Cayetano bilang Senate President sa magiging dalagan kan impeachment trial ni Vice President Sara Duterte sa oras na mailipat na sa Senado an Articles of Impeachment kan bise presidente.
Segun ki Far Eastern University Prof. Amr Solon Sison, sa intrevista kan Bombo Radyo Legazpi, an nangyaring kudeta an makakaaydentipikar sa mga senador na nagpoprotehir suboot ki VP Sara.
Sa ngunyan igwa na suboot nin nasa 13 na senador an pwedesir na magpabor sa acquittal sa impeachment case kan bise presidente, alagad, dae pa man masabi kun ano pa an posibleng mangyari huli sa baka dakol pa an mabago sa paglilitis.
Kinakaipuhan an 16 boto sa Senado o 2/3 sa gabos na 24 senador nganing ma-acquit o ma-convict sa impeachment trial an nasabing opisyal.
Dugang niya na posibleng may kinaaraman man an nangyaring kudeta sa Senado nganing ulangan an impeachment ki VP Sara.
Mensahe man kaini na dapat magin vigilant asin magtiwala sa proseso sa mga masunod na lakdang kan impeachment trial kan nasabing bise presidente.
