LEGAZPI CITY-Rumespunde an sarong pulis-nars sa pagpapangaki kan sarong ina sa Motorbanca sa Rapu-Rapu, Albay.
Sa eksklusibong intrevista kan Bombo Radyo Legazpi kay Rapu Rapu MPS Women and Children Protection Desk – Police Non-Commissioned Officer Police Corporal Rachelle A Dondonilla, sinabi niya na kan makaduman sinda sa mismong lugar, nasa tarpaulin an ina asin nangaki na ini.
Tulos man na sindang nagresponde ngani magin safe an ina asin saiyang omboy asin madara sa ospital.
Sinabi ni Dondonilla na katabang an saiyang eskperyensya huli ta gradwar siya nin nursing taong 2014.
Sa presente, nadara na sa ospital an ina asin omboy, na presenteng nagsasairarom sa antibiotic.
Ipigheras man kan opisyal kun gurano ka-overwhelming an saiyang namatean mantang nareresponde huli ta na-witness niya an siring kaini na pangyayari asin nagin parte siya kan eskperyensya kan sarong ini asin saiyang omboy.
Dugang pa niya na overwhelming man para saiya an mga post sa social media mapadapit sa saiyang kabayanihan, alagad pisasagibo niya sana suboot an saiyang tungkulin bilang sarong pulis na magserbi asin mag-protehir.
Pigheras man niya na enot niya ining eksperyensya nin pagpapaaki asin naoogma siyang nagamit niya an saiyang practice asin expertise sa nursing sa saiyang linya kan trabaho sa laog nin sampulong taon.
