LEGAZPI CITY- Warang patod an paglilinig kan Bureau of Fire Protection (BFP) Albay sa abo sa mga tinampo asin komunidad na kawsa kan ashfall hali sa bulkang Mayon.
Segun ki Albay Provincial Fire Marshall F/Supt Jerickson Miraflor sa intrevista kan Bombo Radyo Legazpi na kulang an manpower kan mga ahensya de gobierno kaya makakaluyan an proseso kun sinda sana an maghihiro.
Huli digdi, dakulang tabang suboot an pagtabang kan mga residente sa kada komunidad ngani na mahali an mga abo asin iba pang volcanic debris sa saindang lugar.
Sa presente nalinigan na suboot an mga national highways kaya presenteng pigtututukan an mga barangay roads.
Segun ki Miraflor na an mga abo na saindang natitipon an ipigtatapok sa mga designadong lugar ngani na maibitaran na maka apektar pa sa mga residente.
