LEGAZPI CITY—Takdag sa kamot kan mga otoridad an Rank 8 Regional Most Wanted kan Bicol Region huli sa patong-patong na kasong pang-aabuso sa banwaan kan Guinobatan, Albay.
Binisto an akusado na si alyas “Nesty”, may live in partner, laborer asin residente kan nasabing banwaan.
Nahahampang ini sa mga kasong Attempted Rape sa ilalim ng 1(A), kan Article 266-A asin Article 266-B kan Revised Penal Code na kinatigan kan R.A 8353 (The Anti-Rape Law of 1997) na may rekomendadong piyansa na P120,000 asin apat na numero kan Qualified Rape sa irarom kan Article 266-A asin Article 266-B kan Revised Penal Code na warang inerekomendang piyansa kada saro.
Naarestar ini kan pinagsarong pwersa kan Criminal Investigation and Detection Group Albay Provincial Field Unit (lead unit), Albay Police Intelligence Team, Regional Intelligence Unit, Police Intelligence Unit, Albay Police Provincial Office, 1st Albay Provincial Mobile Force Company asin Guinobatan Municipal Police Station.
Sa presente, nasa kustodiya na kan mga otoridad an akusado para sa magkakanigong dokumentasyon asin disposisyon.
