LEGAZPI CITY-Pigbubusol kan administrasyon ni US President Donald Trump an pagdagdag kan firing squad, electrocution, asin gas asphyxiation bilang alternatibong paagi kan execution sa federal level, susog sa report kan Justice Department.
Basado sa report, obheto kaini na ma-aksyunan an kakulangan sa lethal injection drugs asin masierto na maipapaotob an padusang kagadanan maski igwang limitasyon sa supply.
Parte suboot ini kan lakdang ni Trump na ibalik an federal executions makalihis halion an moratorium kan nakalihis na administrasyon.
Sa presente, labi sa 40 kaso an pigbubusol para sa death penalty, mantang wara pang nakakaabot sa aktuwal na execution.
Igwang tulong natatadang nasa federal death row makalihis na i-commute kan dating administrasyon an kadaklan kan sentensya.
Mientras tanto, binatikos ini kan human rights groups asin nagkapirang mambabatas, na nagsabing an mga paagi, may kahigotan asin bako makatawo.
Siring man, nanindugan an Justice Department na kaipuhan an mga alternatibong ini ngani maipaotob an nabanggit na ley.
