Sinabi kan abogado ni dating House speaker asin Leyte Rep. Martin Romualdez na plano kan kampo kan lehislador na kwestyunon an ipinaluwas na precautionary hold departure order kontra digdi.
Sa sarong pahayag, sinabi ni Atty. Ade Fajardo na magibo sinda nin legal na mga lakdang ngani na kwestyunon an pagpapaluwas kan nasabing kasuguan.
Nilinaw man kan nasabing abogado na nagtetenir na nasa Pilipinas si Romualdez.
Inapod man kaining iresponsable an mga nagpapalakop kan impormasyon na naghali na sa nacion an kongresista.
Marurumduman na enot ng sinabi ni Ombudsman Jesus Crispin Remulla na dae tinugutan an kahagadan ni Romualdez na mag-biyahe pasiring sa Singapore para sa sarong medical check-up.
Romualdez an pig-iimbestigaran sa ngunyan huli sa suboot plunder, money laundering, graft, asin iba pang mga kaso.
