Nagluwas an Sandiganbayan nin precautionary hold departure order (PHDO) laban kay dating House Speaker Martin Romualdez katakod kan mga kasong nakasunad sa Office of the Ombudsman.
Kabale sa mga reklamong pigkahampang ni Romualdez ang plunder, graft, indirect bribery, asin money laundering na may kinaaraman suboot sa national budget insertions na konektado sa mga anomalya sa flood control projects.
Susog sa Sandiganbayan Seventh Division, pinagtibay kaini an kahagadan kan Ombudsman na pugulan si Romualdez na makaluwas kan nacion mantang nagpapadagos an imbestigasyon asin paglilitis sa mga kaso.
Sa iniluwas na precautionary hold departure order, sinabi kan korte na may nahiling na probable cause na pwedesir magporbar na maghale nin nacion an kongresista nganing likayan an pag-aresto asin pag-uusig sa mga kasong isinunad laban saiya.
Sinugo man an Bureau of Immigration na pugulan an paghali ni Romualdez asin iiba an saiyang pangaran sa hold departure list.
