LEGAZPI CITY-Sinabi ni Senate President Pro Tempore Panfilo “Ping” Lacson na dapat nag-atendir si dating House Speaker Martin Romualdez sa mga pagdangos kan Senate Blue Ribbon Committee kan Nobyembre asin Enero ngani digdi ipaliwanag an mga alegasyon laban sa saiya katakod kan suboot katiwalian sa 2025 budget partikular na sa pondo kan mga flood control projects kan gobierno.
Segun kay Lacson, nagpadara an komite kan dai mababa sa duwang imbitasyon kay Romualdez na nag-agi sa ofisina ni Speaker Faustino Dy III, susog sa prinsipyo kan inter-parliamentary courtesy ngani simbagan an mga paratang na may kinaaraman sa saiya sa kontrobersyal na flood control projects anomalies asin katiwalian sa budget.
Alagad, dai nagpahiling an kongresista sa pagdangog kan Nobyembre 14 asin Enero 19.
Kan Martes, nagpaluwas kan video statement si Romualdez kun saen pignegaran niya na imbuelto siya sa pagtalakay kan 2025 budget.
Pigtukdo man niya sinda dating Senate President Chiz Escudero asin dating Representative Zaldy Co na suboot parte kan bicameral conference committee na nagsagibo nin mga pagbabago sa General Appropriations Billl (GAB) makalihis ining maaprubahan kan Senado asin Kamara.
Sa presente wara pang itinakdang araw kun nuarin an masunod an pagdangog kan Blue Ribbon Committee mapadapit sa imbesitgasyon kan suboot mga anomalya sa flood control projects.
Marurumduman na naenot nang sinabi ni Lacson na temporamente munang ipinagliban ini hasta sa dai pa kumpleto an pirma kan partial committee report asin ma-ipresinta ini sa plenaryo.
