LEGAZPI CITY-Sinabi ni Ombudsman Jesus Crispin Remulla na dai pigtutugutan na magluwas kan nacion si Leyte Rep. Martin Romualdez ngani magpa-medical check-up sa Singapore.
Inindorso man ni Remulla sa Anti-Money Laundering Council (AMLC) na i-freeze an mga asset ni Romualdez.
Segun saiya na pighahalat pa ninda an AMLC ngani masangatan nin freeze order an dating House Speaker.
Marurumduman na naghahagad nin travel clearance si Romualdez kay House Speaker Faustino “Bojie” Dy III ngani makapa-check up sa Singapore para sa saiyang nakatakdang biyahe poon Abril 20 hasta Mayo 4, 2026.
