Ibinunyag kan sarong empleyado kan contractor na SYMS Construction sa Sandiganbayan na suboot naghatod sinda nin pocomas o menos P299 million na kwarta na nakabugtak suboot sa mga kahon kan grocery sa opisina ni dating Department of Public Works and Highways (DPWH) Assistant District Engineer Brice Hernandez.
Binisto an testigo na si Monica Ocampo-Santos, sarong liaison officer kan SYMS Construction, digdi pinatotoo niya na ang nasabing kwarta an para suboot sa government infrastructure projects na nakua kan kumpanya gamit ang lisensyang ipinasubli ni Hernandez sainda.
Sa saiya pang salaysay, sinabi man ni Ocampo-Santos na parte kan kantidad na P299 million ang P74 million na may kinaaraman sa sinasabing ghost projects na nagkakantodad nin P92.8 million sa Pandi, Bulacan.
Ipinahiling man niya sa korte an mga mensahe kan iskedyul kan paghatod nin kwarta sa dating DPWH official.
Sa parehong hearing, sinabi man ni Ocampo-Santos na pirang opisyal kan DPWH kabale si Hernandez asin iba pang district engineers ang naging principal sponsors sa saiyang kasal, na suboot kahagadan man kan saiyang amo.
