LEGAZPI CITY—Bako pabor an sarong poll watchdog sa propwestong i-postpone an 2026 Barangay and Sangguniang Kabataan Elections sa maabot na bulan na Nobyembre nganing i-reallocate an nasa P16 bilyon na dae pa naggastos na budget para digdi sa programa na makakatabang sa epekto kan krisis sa Middle East sa mga Pilipino.
Segun ki LENTE Philippines Executive Director Ona Caritos, sa intrevista kan Bombo Radyo Legazpi, na ini an sarong pagbalgar sa desisyon kan Korte Suprema partikularmente sa Macalintal vs. Comelec, kun sain pighayag na bako rason an pagtipid nganing i-postpone ini.
Naghihingoa man an grupo na dae na magpasar nin ley an Kongreso nganing ma-postpone an BSKE.
Tinawan-doon man niya na pigtatanggalan suboot nin direchos an namamanwaan na magboto en kaso na i-postpone an eleksyon.
Dugang niya na dapat idagos na ini kan gobierno, huli sa siring kaining krisis an namamatean kan publiko kun matanos o bako an pamamalakad kan barangay officials, na kun sain kun bako tultol an mga ini an nawawaran nin pagkakataon na ribayan sinda.
Pangapudan pa niya na dapat maghanap nin ibang paagi an gobierno na makakatabang sa pagsimbag sa presenteng krisis sa langis.
