Ibinuyagyag ni Interior Secretary Jonvic Remulla na pinangaranan na ni Ramil Madriaga an nagkapirang mga kinontratang hitmen.
Si Madriaga an nagpabisto na bagman ni Vice President Sara Duterte.
Sinabi ni Remulla na an nasabing mga pangaran kan hitmen an posibleng magluwas sa mga masunod pang testimonya.
Marurumduman na sa supplemental affidavit durante kan pagdangog kan House justice committee, inakusaran ni Madriaga si dating Presidente Rodrigo Duterte nin pagpa plano suboot nin asasinasyon o kudeta kontra ki Presidente Ferdinand Marcos Jr., kun magpalyar ini na magbaba sa pwesto kan 2025.
Enot na man na pinahimutikan ni Vice President Sara an mga alegasyon ni Madriaga asin iapod ining kathang isip sana.
Ipinaubaya na sana man kan Malakanyang sa National Bureau of Investigation (NBI) an pagi-imbestigar sa mga rebelasyon ni Magrdiaga.
