Dae mababa sa siyam (9) na katawo an nagadan mantang 13 an irido makalihis warang habas na mambadil an sarong 13-anyos na estudyante sa Kahramanmaras province southern Turkey.
Basado sa imbestigasyon, naglaog an Grade 8 student na suspek sa nasabing eskwelahan na may darang mga badil na pigtutubundang pagrugaring kan saiyang ama na dating pulis. Tulos suboot ining naglaog sa duwang classroom asin nagpauran nin bala.
Lima suboot na badil asin pitong magazine an dara kan suspel na kaluanan an binawian man nin buhay, alagad dae pa malinaw kun ini an nagpagadan.
Susog sa mga awtoridad apat sa mga irido an nasa kritikal na kondisyon ngunyan, mantang anom an nasa intensive care unit.
Pira sa mga estudyante an naglukso man hale suboot sa bintana kan eskwelahan nganing makadulag sa pambabadil kan estudyante.
Inireport man na dinakop kan mga otoridad an ama kan suspek mantang nagpapadagos an imbestigasyon sa insidente.
Narisa na nangyari an pambabadil sarong aldaw makalihis an saro pang insidente nin pambabadil sa iba pang eskwelahan sa Sanliurfa province kun sain 16 katawo an nairido.
Nagpahayag man nin pakidumamay si Turkish President Recep Tayyip Erdogan asin sinabing papanimbagon an sisay man na mapapatunayang nagpabaya sa pangyayari.
