Hinagad ni Former President Rodrigo Duterte sa International Criminal Court Appeals Chamber na tugutan siyang dae mag-atendir sa hearing sa maabot na Abril 22 kun saen ipapaluwas an desisyon sa saiyang apela.
Sa dokumento na may petsang Abril 13, sinabi ni Duterte na irerepresentar siya kan saiyang abogado na si Nicholas Kaufman.
An pagdangog an gigibuhon sa The Hague, Netherlands, kun saen an desisyon an ipapaluwas katakod kan nakaaging ruling na nagsayuma sa saiyang pag-agyat sa hurisdiksyon kan ICC.
Maguirumdoman na dae man nag-atendir si Duterte sa confirmation of charges hearing kan Pebrero, huli ta dae niya binisto an hurisdiksyon kan ICC sa saiyang kaso.
Nahahampang si Duterte sa kasong crimes against humanity na may kinaaraman sa saiyang kampanya kontra iligal na droga kan siya an presidente pa.
