LEGAZPI CITY-Naghagad nin dispensa si Department of the Interior and Local Government (DILG) Secretary Juanito Victor “Jonvic” Remulla sa publiko partikular na sa sarong indibidwal na naarestar mantang naghahalo nin semento sa Mandaluyong City.
Huli ini sa inisyatiba sa irarom kan Safer Cities Initiative kun sain aminado an kalihim na dai siya nakapagtao nin malinaw na mga direktiba kun papano ini ipapaotob.
Obheto suboot kan ordinansa na patahimikon an mga nasa kaldasa hale sa mga krimen.
Dagdag pa kan kalihim na nakatakdang mag-olay asin makipag-negosasyon an saiyang opisina katuwang an iba pang mga law enforcement agencies, siring man an lokal na gobierno ngani maayos an mga konsiderasyon na kaipuhan sa pagpapaotob kan mga polisiya sa irarom kaini.
Pigsierto man kan kalihim sa publiko na magpapadagos ini sa manlain-lain na paagi ngani mamantenir an kaayusan sa mga komunidad.
