LEGAZPI CITY-Nagpatanid si President Ferdinand Bongbong Marcos Jr. sa publiko, orog na sa mga may kakayahan na magbakal nin kadakol, na ibitaran an pag-hoard nin diesel sa tahaw kan presenteng sitwasyon sa suplay nin langis.
Segun sa Presidente, solamenteng an mga konsyumer na igwang lehitimong pangangaipohan sana an pigtutugutan na mag-ipon nin gasolina.
Kaiba digdi an mga parasisira, marine equipment operators, mga ospital, asin iba pang nagagamit nin generator set para sa saindang operasyon.
Kinondena kan Presidente an mga insidente nin fuel theft asin iba pang iregularidad na may koneksyon sa suplay nin langis.
Iginiit man niya na nakakamundo asin nakakadagit an mga report na igwang indibidwal na pigsasamantala an sitwasyon para sa pansadiring kapakinabangan.
Tinawan doon man niya an peligro kan bako tamang pag-ipon nin diesel, na posibleng makaapektar sa mga komunidad.
Nangangapudan man an Presidente nin pagkakasararo asin pagigin makatarungan sa kapwa.
