Piglalaoman an sarong magayon na laban sa women’s tennis sa paghahampangan ninda Alex Eala asin Leylah Fernandez sa enot na round kan Porsche Tennis Grand Prix ngunyan na Lunes, sa Stuttgart, Germany.
Gigibohon an laban sa Porsche Arena sa hapon (oras sa Germany), na piglalaomang magigin kapana-panabik huli sa ini an kaenot-enoting paghilingan kan duwang kaliweteng player na kapwa pigkonsiderar na mga rising stars sa world tennis.
Si Eala, 20 anyos, an padagos na naggigibo nin pangaran sa international tennis makalihis maabot ang career-best ranking na No. 29 sa Women’s Tennis Association (WTA).
Kan nakaaging mga aldaw, nag-abot si Eala sa second round ng Upper Austria Ladies Linz Open bago madaog ki Jelena Ostapenko, dating French Open champion.
Mantang si Fernandez, 23 anyos, na may dugong Pilipino alagad nagrerepresentar sa Canada, an presenteng nasa mas halangkaw na ranking na No. 25 asin nag-abot na sa career-best No. 13.
Nabisto siya bilang runner-up sa US Open 2021 kun sain siya nadaog ki Emma Raducanu.
Igwa man si Fernandez nin limang WTA titles kumpara sa saro ni Eala, rason nganing siya an pigkonsiderar na paborito sa saindang duelo.
