LEGAZPI CITY—Narekober kan mga otoridad an dakulang bulto nin bala sa ginibong operasyon sa Barangay Maalo, Juban, Sorsogon.
Segun ki Sorsogon Police Provincial Office Public Information Officer Police Major Arwin Destacamento, sa intrevista kan Bombo Radyo Legazpi, kabale sa mga narekober an nasa 1,696 na bala nin kalibre 5.56, , 920 na bala kan kalibre 7.62 kun sain pigtutubudang haloy na suboot ining nakatago sa nasabing lugar.
Ginibo an operasyon sa pinagsarong operatiba kan Sorsogon Police Provincial Office Provincial Intelligence Unit, Juban Municipal Police Station, Regional Intelligence Unit 5, asin 22nd Infantry Battalion kan Philippine Army.
Sa presente padagos na naghahanap nin impormasyon an mga otoridad sa kun siisay an may kagsadiri kan mga narekober na mga bala.
Dugang ni Destacamento nasa forensic unit na an mga ini para sa magkakanigong disposisyon.
