Ipinahiwatig ni dating U.S. Vice President Kamala Harris na posible siyang magdalagan liwat sa pagka presidente sa 2028, alagad wara pang pinal na desisyon.
Sa sarong meeting kan National Action Network sa New York City, diretsahang hinapot si Harris kun plano kaining sumabak sa presidential race.
“I might, I might. I’m thinking about it,” basado sa nagin simbag kaini, na sinabat man nin makusog na palakpakan.
Dugang pa ni Harris na pig-iisip niya an desisyon basado sa kun siisay an pinakamatanos na mamayo sa mga namamanwaan kan Amerika sa 2028.
Marurumduman na si Harris an nagserbing vice president sa irarom ni dating U.S. President Joe Biden, an nadaog sa 2024 presidential election kontra ki Donald Trump, na nanggana sa parehong popular vote asin Electoral College.
Antes maging bise presidente, nagserbi si Harris bilang U.S. senator asin attorney general kan California, asin dati na man na nagdalagan para sa Democratic presidential nomination kan 2020.
