LEGAZPI CITY—Ipigdoon kan Philippine Health Insurance Corporation (PhilHealth) an importansya kan pagtaong nin bulanang kontribusyon sa ibong kan pangapudan na suspendiron ini huli kan presenteng krisis sa langis.
Segun ki PhilHealth Bicol Spokesperson Leri Ilagan, sa intrevista kan Bombo Radyo Legazpi, na basado sa Republic Act No. 11223 an nakabugtak na an ahensya an pigmamandato na may nakatagamang premium deduction sa mga direct contributors.
Ini an kun sain kinakaipuhan an pondo nganing padagos man nindang matawan nin mga serbisyong pansalud na presenteng pigpapaotob kan ahensya na packages an saindang mga miyembro.
Huli man sa pagdeklara nin State of National Energy Emergency an may pinaluwas an ahensya nin paramientras na penalty condonation scheme o amnesty sa irarom kan employed sector, na pag-waive nin interest para sa mga pending payment sa ahensya, nganing makabawas sa gastuson kan namamanwaan.
Dugang ni Ilagan na nakikipagkoordinar an saindang opisina sa mga economic managers asin naghahalat nin giya sa Malacañang asin pigsierto na anuman an magin desisyon an masunod an ahensya.
Pigsierto niya na ini an alinsunod sa ley nganing mapadagos na mapakusog an serbisyo para sa mga saindang mga miyembro.
