LEGAZPI CITY—Nagsakat sa labi P235.8 milyon an nairehistrong danyos sa sektor kan agrikultura huli sa nagpapadagos na El Niño phenomenon sa rehiyong Bicol puon Hunyo 2026 hasta sa huring bulan kan Setyembre 2026.
Segun ki Department of Agriculture Bicol Spokesperson Love Guarin, sa intrevista kan Bombo Radyo Legazpi, kawsa ini kan nagpapadagos na tagmara asin warang pag-uuran sa rehiyon.
Kabale sa labing naapektaran an paroy urog na sa provincia kan Masbate kun sain nasa 5,326 na ektarya an apektado.
Siring man an yellow corn na pinakaapektado an Camarines Sur na may 182 ektarya; kabale man sa apektadong pananom an white corn, cassava, asin high-value crops.
Dugang niya na nasa 8,009 man an apektadong paraooma kun sain an 7,300 digdi an rice farmers.
Pagdoon man kan opisyal na nakapagdistribuir na man nin interbensyon kun nag-abot na sa P520 milyon an naibarewas na banner programs kan saindang ahensya siring kan feeds, fertilizers, mga makinarya, asin iba pa.
