Liwat na masagibo nin hiro protesta asin noise barrage ang grupong Piston ngunyan na aldaw nin Martes, Abril 7.
Ini an nganing ipagdoon an pangapudan para sa dagos na pagtanggal sa excise tax sa mga produktong petrolyo nganing magbaba na ang presyuhan kan langis sa local market.
Segun ki PISTON National President Mody Floranda, isasagibo ini sa manlaen-laeng mga terminal asin merkado kaiba an mga tsuper asin konduktor kan manlaen-laeng public utility vehicle (PUV).
Mawot kan grupo na ipaabot sa administrasyong Marcos an kadipisilan kan transport sector huli sa warang patod na bigtime oil price hike na dae kayang mapugulan kan gobierno.
Ipapangapudan man liwat kan grupo an dagos na pagbasura sa Oil Deregulation Law na nagigin rason kaya dae makontrol kan gobierno an paghiro kan presyo kan mga produktong petrolyo.
Isasabay kan transport group an nasabing protesta sa bigtime oil price hike na ipapaotob ngunyan na aldaw.
