Padagos na nagbaba an bilang kan mga tawong nagiging padi sa Pilipinas, segun sa datos kan Catholic Bishops’ Conference of the Philippines (CBCP).
Ini an sa ibong kan padagos na paglangkaw kan populasyon kan mga Katoliko sa nasyon.
Kan 2016, igwa nin poco mas o menos 61.6 milyon na Katoliko, alagad sa 2025 an numerong ini an maabot na sa labi 73.6 milyon.
Sa ibong kan paglangkaw kan numero kan mga mananampalataya, kapansin-pansin na nagbaba an numero kan mga padi.
Poon sa 12,964 kan 2016, buminagsak ini sa 10,178 sana kan nakaaging taon.
Pigkokonsiderar ini na sarong dakulang agyat para sa Simbahan Katoliko, orog nang nagdadakula an pangangaipo para sa serbisyo pastoral.
Kabali sa mga malinaw na rason kan pagbaba iyo an halangkaw na matrikula sa seminaryo, magabat na mga responsibilidad sa pamilya, asin an proseso nin internal discernment o lubos na pagninilay sa pagsimbag sa pangapudan nin bokasyon.
Huli kaini, nagtetenir na sarong angat para sa Simbahan na enganyaron an mas dakol na mga jovenes na maglaog sa pagkapadi sa tahaw kan nagdadakol na numero nin mga Katoliko sa nasyon.
.){kind=link}