LEGAZPI CITY—Paramientras na passable ngunyan an 2-lane na tinampo na nasa irarom kan road reblocking sa Barangay Bigaa, Legazpi City.
Segun ki Kapitan Koko Arienda kan Barangay Bigaa, Legazpi City, sa intrevista kan Bombo Radyo Legazpi, na temporamente na passable ini sa ngunyan alagad pagkatapos kan Semana Santa an ipapagdagos liwat an pagsagibo kan road reblocking na pwedesir nang matapos sa laog nin sarong bulan.
Sa presente wara suboot nin magabat na trapiko asin tinanggal an mga obstruction sa saindang tinampo.
Dugang ni Arienda saro sa saindang pigbabantayan ngunyan na Semana Santa an mga motorista na maririkas na magpadalagan kan saindang behikulo.
Nakikipagkoordinar na man sinda mga kapulisan, lokal na gobierno kan Legazpi, asin mga barangay officials para sa pagpapaotob nin kaayusan sa isasagibong prusisyon sa saindang barangay sa Biyernes Santo.
Nakiulay man an opisyal sa mga motorista na mag-ingat asin magluway-luway sa pagbiyahe urog na dakol ngunyan an nag-uuruli sa saindang mga pamilya.
