Kinumpirmar ni US retired boxing champion Floyd Mayweather na an rematch ninda ni Manny Pacquiao an saro sanang exhibition.
Sinabi kaini na hasta sa ngunyan dae pa naisasapinal an venue kan laban.
Pigmenos man kan 49-anyos na si Mayweather an laban kun sain dakol an naghahagad nin rematch alagad nilinaw niya na ini an saro sanang exhibition kaya dae maaapektaran an boxing record nindang duwa.
Afuera ki Pacquiao igwa ining nagkapirang exhibition fight sirig ki dating heavyweight champion Mike Tyson asin kickboxer na si Mike Zambiids.
Pinuunan na man kaini an nagkapirang mga training antes an nasabing laban.
Marurumduman na dinaog ni Mayweather si Pacquiao sa enot na paghahampangan ninda 11 taon na an nakakalihis.
