Kapwa tinuyaw ninda Akbayan Party-list Rep. Perci Cendaña asin Mamamayang Liberal (ML) Party-list Rep. Leila de Lima si Vice President Sara Duterte huli sa suboot paglikay kaini sa mga hearing kan Kamara katakod kan impeachment proceedings.
Sa saiyang pahayag, sinabi ni Cendaña na bako na suboot makakigkig an dae paghampang kan Bise Presidente.
Mantang tinuligsa man ni De Lima an pagbabago kan katindugan ni Duterte urog na sa mga nagin pahayag kaini kaito.
Iniengganyar man ni De Lima an Supreme Court na dae suboot tugutan an mga lakdang na sa hiling niya an piggamit nganing makalikay sa paninimbagan.
Ipigdoon man kaini na an pagpupuon kan impeachment proceedings an nasa kapangyarihan kan House of Representatives.
Mantang dae pa niya nababasa an bilog na petisyon na isinunad sa Korte Suprema, sinabi ni De Lima na ang nasabing lakdang an nagkawsa nin mga kahapotan.
Nagpuon an mga pahayag sa padagos na hearing kan House Committee on Justice katakod kan impeachment case laban kay Duterte, kung saen pigsusuri kan mga lehislador an mga ebidensya nganing maaydentipikar kun may bastanteng batayan nganing isakat an kaso sa Senado para sa paglilitis.
