Plano kan Department of Budget and Management (DBM) na gamiton an poco mas o menos P20 billion hali sa Malampaya gas project ngani na pondohan an bulk oil purchases bilang kasimbagan sa epekto kan krisis sa Middle East.
Segun ki Acting Budget Secretary Rolando Toledo, igwang nakatagama na P210 billion hali sa presenteng pondo kan gobierno, kaibanan an parte kan General Appropriations Act (GAA).
Kun maisabay pa an Malampaya fund, maabot sa P230 billion an posibleng magamit para sa crisis response.
Nakikipag koordinar na man an ahensya sa Department of Energy ngani na maisakatuparan an nasabing plano.
Mientras tanto, padagos na nakakatabang an Malampaya project sa ganansya kan nacion, na uminabot sa labi sa $13.9 billion, segun sa Prime Energy.
