LEGAZPI CITY-Pinatanidan kan Legazpi City Public Safety Office (PSO) an mga tricycle drivers na imbuelto sa overcharging sa mga pasahero sa tahaw kan striktong ordinansa sa ciudad.
Segun ki Legazpi City Public Safety Office Head Octavio Rivero, sa intrevista kan Bombo Radyo Legazpi na dai dapat nag-overcharge an mga driver huli ta igwang katakod na penalidad asin responsibilidad ini.
Sinabi pa niya na nagkapira pa sa mga tricycle drivers an nagsasamantala sa mga pasahero.
Kaya pangapudan niya sa mga mabibiktimang pasahero na magduman sa saindang opisina, kuwaan nin ladawan an city plate number ngani magsapar nin penalidad an mga ini asin ma-impound an saindang mga tricycle.
Mientrastanto, nakaalerto na man asin nagsasagibo na sinda nin coordination meeting para sa mga event sa ciudad sa pag-abot kan semana santa ngonian na maabot na Abril.
