Makusog na pinahimutikan ni Batangas Rep. Gerville “Jinky Bitrics” Luistro na may “double standard” an House Committee on Justice sa pagkapot kan mga impeachment complaint.
Segun ki Luistro, parehong criteria an ginamit ninda sa reklamo laban ki Presidente Ferdinand Marcos Jr. asin Bise Presidente Sara Duterte, alagad an dakulang pagkakaiba iyo an pagkakaigwa nin makusog na ebidensya nin “personal participation” sa lado kan Bise Presidente.
Ipinaliwanag ni Luistro na sa kaso kan Presidente dai napatunayan kan mga nagrereklamo an direktang pagkakaimbwelto kaini sa mga alegasyon nin kurapsyon sa implementasyon kan budget.
Parte man suboot kan mandato an pagpirma kan Presidente sa General Appropriations Act (GAA) asin dae pwedeng ikonsiderar na proof of corruption.
Sa ibong na lado, pigduon ni Luistro an “direct evidence” laban ki Duterte, partikularmente an video kun saen nadangog an Bise Presidente na naghuma laban buhay kan Presidente, First Lady, asin kan dating Speaker.
Ginamit ni Luistro an legal na prinsipyo na res ipsa loquitur (an bagay mismo an nagtataram) para sa banta kan Bise Presidente.
Supisyente suboot an video na nahiling kan bilog na kinaban nganing maipahiling an saiyang personal na partisipasyon sa mga akusasyon, na nagpapatunay na may malinaw na basehan an reklamo laban saiya kumpara sa kasong binasura kan Presidente.
