LEGAZPI CITY-Temporamenteng, kinansela kan flag carrier na Philippine Airlines an nagkapirang mga flight pasiring sa Middle East huli sa security concerns.
Kabale digdi an mga ruta Dubai pasiring sa Doha, huli sa padagos na tensyon sa rehiyon.
Segun sa pamunuan kan aeropuerto na kaiba sa apektadong flights an PR 658/659 (Manila–Dubai–Manila), PR 684 (Manila–Doha), asin PR 685 (Doha–Manila), siring man an dugang na kanselasyon kan PR 685 na orihinal na nakatakda na magbiyahe sa Mayo 1, 2026.
Paliwanag kan Philippine Airlines na pigkokonsidera ninda an presenteng sitwasyon sa nagkapirang lugar sa Middle East ngani masierto an kaligtasan kan mga pasahero, crew, asin kan mga eroplano.
Para sa mga apektadong pasahero, nag-alok an ahensya nin mga opsyon arog kan libreng rebooking kun magbalik na an mga biyahe, conversion kan tickets bilang travel credits, o full refunds kasunod kan saindang mga regulasyon.
An lakdang parte suboot kan mas mahewas na pagsasaayos kan mga airline sa bilog na kinaban na apektado kan matinding labanan sa Middle East, na padagos na nakakaapektar sa nagkapirang international flight routes asin mga operasyon.
