Pinaghahandaan na ni Pinay tennis star Alex Eala an pagsabak sa round 32 kan Miami Open, kun sain nakatalaan kaining makahampang si Polish tennis player Magda Linette.
An 34-anyos na si Linette an igwang highest career ranking na 19 na na naabot niya kan Marso 2023.
Sa walong finals kan WTA tour tulo an napangganahan niyang titulo.
Uminabot man siya sa semifinals kan 2023 Australian Open.
Marurumduman na nakalaog sa round 32 an 20-anyos na si Eala makalihis niyang daugon si Laura Siegemund kan Germany.
Sa enot na set, nagpalyar an Pinay tennis star alagad paglaog kan ika-duwa asin ika-tulong round nagpahiling siya nin pagiging agresibo.
Maikokunsiderar na rematch an laban kan duwa huli ta nagkahampang sinda kan Enero sa Auckland ASB Open.
