Pinili ni Vice President Sara Duterte na dai isapubliko kun sisay an magigin running mate niya sa maabot na pirilian sa 2028.
Sa sarong intrevista sa Bise Presidente sa Davao City, sinabi kaini na igwa na siyang naka-olay kan nakalihis na taon nganing magin bise niya sa 2028 elections alagad dae pa suboot ini nagtatao nin desisyon dapit sa alok ni VP Sara.
Nanindugan an Bise Presidente na halaton na sana an kasimbagan kaini sa saiyang imbitasyon asin dae na makiaram sa bagay nganing maibitaran an inapod niyang political attacks sa saindang posibleng tandem.
Apwera digdi, kinumpirmar man kan Bise Presidente na apat na indibidwal an nagdulok saiya nganing magin parte kan saiyang senatorial slate para sa maabot na pirilian.
Mientrastanto, dae man nagtao nin malinaw na kwalipikasyon an Bise Presidente para sa saiyang mga potensyal na senatorial candidates.
